Assalamulaikum you all samsing-samsing sekalian yang mambaca post ani especially yang tangah ranggah-ranggah di jamban skulah, di hujung tahun 2009 ani me kan minta maaf minta ampun arah you all pasal me inda lagi active blogging macam dulu.

Ada gossip dari e-news mambagi tau yang me ani menyamal sal inda kana bali-kan tali pinggang koboi olih daddy me, issssshhhh... Fitnah!! yang banarnya iksin tu gossip atu, semua fitnah-fitnah belaka. Astee..

Yang banarnya, me masa ani busy hantrap di opis, work load betambah 10 truck, sibuk me brabis macam ambuk sarkis hilang tupi haji. *buang macam*

Ouh yah baru me ingat, sempena hujung taun ani baik tah me share sedikit sebanyak me punya azam baru, well, di taun 2010... i hope me menjadi lebih ganteng macam ubi ganteng dari geng-geng me yang lain. hehe inda wah, actually, azam baru me is me mau jadi sorang Mafia yang bertauliah, labih berakal, lebih penyayang, kuat ugama, kuat kuda-kuda, and pandai swimming, maklumlah me ani kalau ke swimming pool, tau me berandam saja, arah dalam inda me brani, takut me kana makan jaws. huhuhuhu...

Bah sampai setakat sini saja dulu ucapan hujung 2009 me yang inda seberapa ani, ani me kan kedapur dulu jadi tikus mengunjar maggi.

p/s : kalau kamu kan share azam kamu disini, di alu-alukan, The best azam akan me hadiahkan voucher candle lite dinner bersama me di nasi katok jerudong. Hohohohoo...

Happy New Year 2010 You All...

Love Slalu,
Alin The Kurapak guy

Dec 2009

Time me di Phuket hari atu with MissK Honeymoon part 1

10 Random Facts Tentang Me

- Dibawah ketiak kanan me ada tanda hitam, bukan pulang taie lalat tu ah, tapi skali pandang macam map singapore

- Dulu time me damit, me slalu bemain arah masjid bunut(masa atu alum siap), iatah ada this one time batis me tepacak paku, menangis inda belagu me kana bawa kehospital, 3 minggu me inda main carah karau.

- My pebret kaler is red, salnya merah ani sexy bah, tapi baju-bajuan me inda me suka makai warna merah sal takut me kana uyung ulih karbau bini.

- Me suka makai tupi fedora, bukan pulang pasal me suka Jason Mraz maupun Indiana Jones, but me makai tupi atu untuk menapuk kurul me yang belingkar macam P.Ramlee masa teenage.

- My Pebret drink of coz coca-cola, iatah kalau time puasa please jangan minum coke dapan me ah, cuba tah kamu minum coke dapan me, me umban kamu sama seluar katak si Wandi(best fren me).

- Kreta me yang pertama is Mitshubishi 'Airtrek' warna hitam(dari jauh macam hummer) yang me bali dulu masa me start kraja taun 2004, sayang me brabis tu kan kreta me atu walaupun me jarang menyuci and bunitnya bejurit and mun kamu meliat gali kamu tu bekirik macam ayam kan betalur.

- Antara adi bradi me, kaki me yang paling buruk bekulat, sudah pun hitam, karing lagi macam rose wood inda original. Ada this one time, kawan me yang inda tau sal kaki me ani kan mengurut batis me yang malang ani sal me kengalihan after futsal.. sudah ia meliat batis me, tekinjut baruk ia, inda ia jadi ngurut and inda me tau kenapa?.... KENGSILLLLL!!!

- Bulan lapas time me balik kraja, me ani ke CA Mohammad kan mengupi, alum sampat me bekarap mata, upon masuk me kerestaurant atu, kana lagau me oleh dis guy(familiar jua, inda jua) didalam yang duduk sama familynya. Skali ia cakap arah me, "Mee Goreng Ayam Dua ah!!"... (manithh orang ah!)

- Orang slalu betanya arah me, siapa celebrity yang paling me suka, secara jujur, buat masa ani, masih lagi Megan Fox top of the list di hati me. Bagi me ia atu hot brabissssss, muka ada, badan ada, suara lagi seksi, grrrrrrrrrrr... sia-sia pun~ *cair me eh*

- Number 10 yakni yang penghabisan, baik tah me baritau you all ah, walaupun me ani slalu ngucap kawan-kawan me, menyaya bisdia, tapi sebanarnya me ani baik ni orangnya, hati me suci, sayang me kan kawan-kawan me atu, kami ketawa sama-sama, menangis sama-sama, menyubuk amah mandi saja inda sama-sama. huhu..

---

Ouy yah before kamu offline, jangan lupa ni liat video ani, tau you guys apa ni? ada yang familiar is it?? Bah kalau kamu rasa diri kamu atu talented, chekout this video!!

Sapa tau kamu jadi Superstar taun dapan!! hohohoho...